АСТАНА, 25 маусым— Sputnik. Астанада 27-28 маусымда нарықтың ірі ойыншыларының қатысуымен "Argus Қазақстан мен Орталық Азияның мұнай-газ нарығы 2018" халықаралық конференциясы өтеді.
Конференцияға ірі мұнай және көлік-логистикалық компаниялар, мұнай өңдеу зауыттары, жанармай тұтынушылары, сондай-ақ Қазақстанның атқарушы билігінің органдары қатысады.
Конференцияда Роснефть, СИБУР, Nostrum Oil & Gas, Aria Petroleum, Euro-Asian Oil, Vitol Қазақстан, КТК-К, Тенгизтрансгрупп, УкрГазВидобування, сондай-ақ KAZENERGY қауымдастығы, Қазақстанның энергетика министрлігі мен Қаржы министрлігінің мемлекеттік кірістер комитетінің өкілдері баяндама жасайды.
Шараға қатысушылар Қазақстан және бүкіл өңір үшін маңызды мәселелерді талқылайды:
- Қазақстандық мұнай экспортын дамыту перспективалары. 2018 жылы Қазақстанның сұйылтылған мұнай газы (LPG) экспортының өзгеруі және 2018 жылы LPG импортын Тәжікстанға қайта бөлу;
- Қазақстанның ішкі мұнай мен мұнай өнімдері нарығында мемлекеттік реттеу және баға белгілеу;
- Қазақстан Республикасы мен Орталық Азия елдерінде ақшыл мұнай өнімдері нарығын дамытудың негізгі тенденциялары;
- Қазақстанда 2019 жылы газдың биржалық сатылымы;
- Қазақстанның жанармай нарығының бөлшек сегментін дамыту;
- Қазақстанның газ нарығында бағаның белгіленуі: Өзбекстаннан Тәжікстанға бағытталған сұйылтылған газ экспортының ықпалы;
- Қазақстан Республикасында салық салу мен трансферттік баға белгілеу туралы заңнамадағы маңызды өзгертулер.
Конференцияның ұйымдастырушылары Argus Media – тәуелсіз баға агенттігі. Argus компаниясының белгілеген бағаларын әлемнің 140-тан астам мемлекеті қаржылық құралдар нарығында эталондық баға ретінде келісімшарт құнын есептеу, сондай-ақ нарықты талдау және стратегиялық жоспарлау үшін пайдаланады.
