АСТАНА, 25 маусым — Sputnik. Түркияның қазіргі басшысы Режеп Тайып Ердоған президент сайлауында сайлаушылардың 52,5 процент дауысын жинады. Бұл туралы елдің Жоғары сйлау кеңесінің басшысы Сади Гювен хабарлады.
"Біздің жүйеде қазіргі таңда 97,7% бюллетень саналды. Президент Ердоған басым көпшілік дауысты алды. Әділет және даму партиясы, Ұлттық қозғалыс партиясы, Халықтық республикалық партия, Жақсы партиясы, Халықтар демократиясы партиясы парламентке өтуге қажетті он процент дауысты жинады", — деп РИА Новости Гювеннің журналистерге берген сұхбатынан үзінді келтірді.
Ердоғанның сенімді жеңісі
Ердоған мемлекет басшысы сайлауында бюллетендердің 98%-ы саналғаннан кейін 52,5% дауысты иеленіп, жеңіске жетті. Оның басты қарсыласы Индже 30,7%, Демирташ — 8,4%, Акшенер — 7,3%, Карамоллаоглу — 0,9%, Перинчек — 0,2% дауыс алған.
Режеп Тайып Ердоған алдын ала нәтижелер жарияланғаннан кейін өз жақтастарының митингісінде сөз сөйлеп, сайлауға келіп, өз міндетін орындаған әрбір азаматқа алғысын білдірді.
Ол таяу уақытта үкіметте кадрлық ауыс-түйіс жасауға уәде берді.
"Біз күн-түн демей жұмыс істейміз, барлық міндеттемені орындап, бүкіл әлемге үлгі боламыз", — деді Ердоған.
Билік партиясы оппозициядан көп дауыс жинады
Биліктің Әділет және даму партиясы бюллетендердің 98%-ы саналғаннан кейін 42,4% дауыс алды, Ұлттық қозғалыс партиясы 11,1% иеленген. Осылайша, оларды біріктіретін Халықтық одақ парламенттегі басым орынды (293 + 49 орын) алып отыр.
Сайлаушылар негізгі оппозициялық Халықтар демократиясы партиясына 22,7% (191-орын), Жақсы партиясына 10,0%, Бақыт партиясына 1,4%, ал оларды біріктіретін Ұлттық альянсқа 34,1% дауыс берді. Парламентке сондай-ақ Халықтар демократиясы партиясы 11,5% дауыспен өтті.
