АСТАНА, 15 маусым — Sputnik. Килауэа жанартауы атқылағаннан кейін Гавай аралдарына жартылай асыл тастар жауған.
Жергілікті тұрғындар көшелер мен жағажайлардан оливин тастарды тауып алыпты. Килауэа жанартауы атқылауы салдарынан тау жынысында сақталған жасыл түсті тастар босап шықса керек.
Бұл оливиннің бір түрі — перидот (хризолит) тастары. Көптеген ғасырлар бойы асыл бұйымдар жасау үшін пайдаланылған. Қазір де перидоттың бір караты 450 доллар тұрады, деп жазады The Daily Mail.
Friends of mine live in Hawaii, right next to the area impacted by the most recent lava flows. In the midst of the destruction nearby & stress of the unknown, they woke up to this — tiny pieces of olivine all over the ground. It is literally raining gems. Nature is truly amazing. pic.twitter.com/inJWxOp66t
— Erin Jordan (@ErinJordan_WX) 11 июня 2018 г.
"Досым Гавай аралдарында атқылаған жанартауға жақын маңда тұрады. Жанартау атқылаған кезде, оливин тастарының ұсақ қиыршықтары бүкіл жерге шашылған. Жаңбыр сияқты жауыпты. Табиғаттың тылсым құдіреті ғой", — деп жазды метеоролог Эрин Джордан.
