Қоғам

Қазақстандық әйел Стамбул әуежайында жадынан айырылды - куәгерлер

© Sputnik / Медиабанкке өтуЖолаушы
Жолаушы - Sputnik Қазақстан
Жазылу
Қазақстанның Стамбулдағы консулы оқиғаның мән-жайын анықтап жатыр

АСТАНА, 15 маусым — Sputnik. Қазақстандық әйел Стамбул әуежайында жадынан айырылды, көмекке мұқтаж, деп жазады оқиға куәгерлері әлеуметтік желілерде.

Қолданушылардың сөзіне сүйенсек, Светлана Чернышова Стамбулдан Бішкекке ұшуы тиіс болатын.

"Отбасыммен бірге 11 маусымда сағат 9:00 кезінде Түркия әуежайынан көрдім, мінез-құлқы бір түрлі болды, бірдеңе ұшыраған сияқты, жартылай жадынан айырылған. Ұшағы 1:00-де ұшып кеткен екен, жүгі де сонда кетті", — деп жазады куәгер.

Бастапқы деректер бойынша, 41 жастағы әйелдің тұрақты мекенжайы Жамбыл облысында.

"Стамбулдың билік өкілдері тұлғаның қалада екенін растады. Қазақстанның Стамбулдағы консулы істің мән-жайын анықтауға аттанған. Әйелдің Қазақстан азаматы екеніне көз жеткізуі тиіс", — деп мәлімет берді ҚР сыртқы істер министрлігі Sputnik Қазақстанға.

Куәгердің айтуынша, әйел адамды әуежайдан жедел жәрдем қызметкерлері алып кеткен.

Жаңалықтар
0