57 кг салмақ дәрежесіндегі жекпе-жек Бангкокте өткен.
Еркежаның айтуынша, ол финалдық жекпе-жек кезінде қарсыласының ұл екенін іштей сезген. Бірақ намысы жібермей, соңына дейін жұдырықтасуға бел буыпты.
"Жекпе-жек кезінде еркек екенін сездім. Себебі маған қиын болды, жылдамдығым жетіспеді, физикалық жағынан да менен мықты еді. Айқастан кейін бапкерлер ДНҚ жасаймыз деді. Нәтижесі белгілі болған соң, маған хабарласып, "ұл болып шықты" деді. Бір жағынан қуандым, екінші жағынан қатты әсері болмады. Қанша дегенмен өзім ұтқан жоқпын ғой", —дейді боксшы қыз.
Еркежан вьетнамдық "қызбен" рингте алғаш рет кездесіп тұр екен. Айтуынша, жекпе-жек алдында оның қарсыласын шешіндіріп тексерген.
"Оны шешіндіріп, тексерген. Жынысын ауыстырған болып шықты. Ұл екені тек ДНҚ нәтижесінде анықталды. Әдетте боксшыларды ұл, қыз ба деп әр жекпе-жек сайын тексермейді. Тек сырт келбеті күдік туғызатын спортшыларды ғана. Мәселен, мені тексерген жоқ", — деді ол.
