АЛМАТЫ, 8 маусым — Sputnik. Алматыда екі көлік соқтығысып, Гоголь және Қалдаяқов көшелерінің қиылысындағы жаяужолға шығып кетті, деп хабарлады Sputnik-ке құқық қорғау органдары.
Куәгерлердің айтуынша, күзет қызметіне тиесілі DAEWOO Nexia Қалдаяқов көшесімен оңтүстік бағытта келе жатқан. Жүргізуші жол қиылысында бағдаршамның қызыл түсіне өтіп кеткен. Осы кезде Гоголь көшесімен батыс бағытта Volkswagen Passat келіп қалады. Nexia жүргізушісі Volkswagen-нің бүйірінен соққан.
Соққы салдарынан Passat бетон қабырғаға қарай ұшып түсіп, жаяужолға шығып қалды. DAEWOO Nexia автокөлігі бағдаршамның бағанын құлатты.
Жол апатынан үш адам зардап шекті. Күзет қызметі көлігінің жүргізушісі мен жолаушысы ауыр халде ауруханаға жатқызылды. Volkswagen-ның жолаушысы да бірнеше жерден жарақат алып, аурухана түсті.
