Астана, 19 мамыр – Sputnik. Алматыда үш көліктің қатысуымен жол апаты болды, салдарынан екі адам зардап шекті, деп хабарлайды Sputnik Қазақстан.
Жол апаты Тимирязев көшесінде болған.
Оқиға куәгерлерінің айтуынша, Mercedes-Benz Тимирязев бойымен батыс бағытта келе жатқан. Ал Байзақов көшесіне жетпес бұрылыста ГАЗель қарсы бағыттағы көліктерді өткізіп тұрған.
"Mercedes-Benz Е-класс ГАЗельді кеш көріп қалған секілді, ол оны айналып өтпек болып, қарсы бағыттағы жолаққа шығып кетеді де, бар жылдамдықпен ГАЗельдің артқы жағына соғылады. Қатты соққыдан ұшып кеткен Mercedes-Benz Е-класс Тимирязев көшесімен шығыс бағытта келе жатқан Mercedes-Benz GL көлігімен бетпе-бет соқтығысады", — деді оқиға куәгері Sputnik Қазақстан тілшісіне.
Апат салдарынан екі адам — Mercedes-Benz Е-класс жүргізушісі мен жолаушысы. Олар түрлі жарақатпен ауруханаға жеткізілді.
