АСТАНА, 10 мамыр — Sputnik. Қазақстанның басым бөлігінде жаңбыр жауады, тек оңтүстікте, оңтүстік-шығыста, солтүстік-шығыста және орталықта ауа райы жауын-шашынсыз болады, деп хабарлайды Қазгидромет.
Республиканың кей жерлерінде жел күшейіп, тұман, найзағай, шаңды дауыл, батыста бұршақ болуы мүмкін.
Ақмола, Қостанай, Солтүстік Қазақстан облыстарының кей жерлерінде найзағай, тұман, жел 15-20 м/с-қа дейін күшейеді.
Қарағанды, түнде Шығыс Қазақстан облысының кей жерінде тұман түседі, жел 15-20 м/с күшейеді деп болжанып отыр.
Маңғыстау, Атырау, Батыс Қазақстан облыстарының кей жерлерінде бұршақ түсуі мүмкін.
Қызылорда, күндіз Ақтобе облысының кей жерлерінде жел 15-20 м/с күшеюі ықтимал, Қызылорда облысының кей жерлерінде шаңды дауыл болады.
Алматы облысының жекелеген ауданында жел 15-23 м/с-қа дейін күшейеді.
