АСТАНА, 8 мамыр — Sputnik. Қазақстанда сейсенбі 8 мамыр күні жел тұрып, ұйытқуы 23-28 м/с жетеді, деп хабарлайды Қазгидромет.
"Республиканың солтүстік бөлігінде атомосфералық фронттардың өтуіне байланысты жауын-шашын түсіп, жел күшейеді, бұршақ жауып, күн күркіреуі мүмкін", — делінген хабарламада.
Ақмола, Қостанай, Шығыс Қазақстан, Жамбыл облыстарында желдің екпіні 15-20 м/с, тұман.
Солтүстік Қазақстан облысында желдің екпіні түнде 15-20 м/с, ұйытқуы 23-28 м/с, күндіз кей жерлерде 15-20 м/с, кей жерлерде тұман түсіп, күн күркірейді, бұршақ жаууы ықтимал.
Қарағанды облысында кей жерлерде тұман, күн күркірейді, күндіз кей жерлерде желдің екпіні 15-20 м/с.
Алматы облысында түнде кей жерлерде тұман түседі.
Павлодар облысында кей жерлерде күн күркірейді, желдің екпіні 15-20 м/с.
