Қоғам

Назарбаев: жаужүрек жауынгерлердің көтеретін жүгі ауыр, бірақ ол абыройлы борыш

© SputnikӘскери парад, архив
Әскери парад, архив - Sputnik Қазақстан
Жазылу
Yandex newsTelegram
Жамбыл облысы Қордай ауданындағы "Отар" әскери базасының аумағында президенттің қатысуымен ҚР Қарулы күштерінің әскери парады өтіп жатыр

АСТАНА, 7 мамыр — Sputnik. Мемлекет басшысы Нұрсұлтан Назарбаев қазақстандықтарды Отан қорғаушы күнімен құттықтады, деп хабарлайды Sputnik Қазақстан. 

әскери парад, архив суреті - Sputnik Қазақстан
Қоғам
Бүгін - Отан қорғаушы күні

"Ұранды елдің ұрпағы айбарлы келеді" деген дана халқымыз. Бүгінгі айбынды армиямыз үшін елдің тыныштығын сақтап, тәуелсіздіктің қорғаны болу мәртебелі зор міндет. Жау жүрек жауынгерлердің көтеретін жүгі ауыр, бірақ ол абыройлы борыш, қастерлі парыз. Қарулы күштеріміз — халқымыздың сенімді тірегі, мемлекеттің берік қалқаны", — деді Назарбаев Жамбыл облысындағы "Отар" әскери базасында өтіп жатқан жауынгерлік парадта. 

 Президент азаматтарымызды отансүйгіштікке тәрбиелеу ісінде әскери дәстүр маңызды рөл атқаратынын атап өтті. 

"Жауынгерлік ту — туған жерге адалдықтың, ерлік пен батырлықтың нышаны. Қасиетті байрақ рухы биік, ержүрек сарбаздарды әрдайым жеңіске жетелейді. Бауыржан Момышұлының "Батырлық өскен ортаға, көрген тәрбиеге байланысты қалыптасады" деген сөзі бар. Азаматтарымызды отансүйгіштікке тәрбиелеу ісінде әскери дәстүр маңызды рөл атқарады. Әр сарбаз Отан қорғаушы ретінде өзінің ел алдындағы ерекше жауапкершілігін сезінуге тиіс. Қарулы Күштерімізде жігерлі жігіттермен қатар аяулы аруларымыз да әскери қызметті абыроймен атқарып жүр. Сондықтан бүгінгі мереке ер азаматтармен қатар сап түзеген қайсар қыздарымызға да ортақ", — деді ол. 

Нұрсұлтан Назарбаев мемлекеттің Отан қорғаушыларға әрқашан қамқорлық көрсетіп келетінін айтты. 

"Өткен жылы әскери қызметшілердің лауазымдық жалақысы 25 процентке артты. Әскерилерді тұрғын үймен қамтамасыз ету мәселесі шешімін тауып келеді. Мұның бәрі Қарулы Күштер сарбаздарының ар-намысы мен айбынын арттыруға жол ашады. Сондықтан мен сіздерді әскери антқа адал болады деп сенемін!", — деді Елбасы.

 

Жаңалықтар
0