АСТАНА, 4 мамыр — Sputnik. Алматыда ТҚКС жұмысшылары Lexus көлігін айдап әкетіп, ірі жол апатын ұйымдастырды, деп хабарлайды оқиға куәгерлері Sputnik Қазақстан агенттігіне.
Бастапқы деректерге сүйенсек, Lexus RX300 иесі әжетханаға шығып кеткенде, ТҚКС жұмысшылары көлікке отырып, айдап әкеткен. Саин көшесі бойымен басқа көліктерден озып, бір жолақтан екінші жолаққа шұғыл ауысып келе жатады.
Төле би көшесіне жетпей рөлде отырған адам ВАЗ-2109 көлігінің алдын орап кеткен.
"ВАЗ жүргізушісі рөлді шұғыл солға бұрып, бордюрден асып кетті де, екі металл қоршауды қиратты. Кейін қарама-қарсы бағытта келе жатқан "ГАЗель" көлігімен бетпе-бет соқтығысты", — деп әңгімелейді оқиға куәгері.
Ал Lexus көлігі бұл кезде Саин көшесімен бір бағытта кетіп бара жатқан Toyota Mark II көлігін қағып кетіпті.
![ТҚКС жұмысшылары қымбат көлікті айдап әкетіп, жол апатына ұшырады ТҚКС жұмысшылары қымбат көлікті айдап әкетіп, жол апатына ұшырады - Sputnik Қазақстан](https://sputnik.kz/img/551/53/5515343_53:0:978:581_600x0_80_0_0_ac2a2507f9df8a4c4b9ef3de0fde84d5.jpg)
![ТҚКС жұмысшылары қымбат көлікті айдап әкетіп, жол апатына ұшырады ТҚКС жұмысшылары қымбат көлікті айдап әкетіп, жол апатына ұшырады - Sputnik Қазақстан](https://sputnik.kz/img/551/50/5515046_0:0:924:581_600x0_80_0_0_1ca95f64d9a1b06becbf0eb37fc90fa6.jpg)
![ТҚКС жұмысшылары қымбат көлікті айдап әкетіп, жол апатына ұшырады ТҚКС жұмысшылары қымбат көлікті айдап әкетіп, жол апатына ұшырады - Sputnik Қазақстан](https://sputnik.kz/img/551/51/5515119_53:0:978:581_600x0_80_0_0_3755816787314a273f6ab955a47443bb.jpg)
![ТҚКС жұмысшылары қымбат көлікті айдап әкетіп, жол апатына ұшырады ТҚКС жұмысшылары қымбат көлікті айдап әкетіп, жол апатына ұшырады - Sputnik Қазақстан](https://sputnik.kz/img/551/51/5515182_53:0:978:581_600x0_80_0_0_0f7a135aa439da55fdeab46440c4f142.jpg)
![ТҚКС жұмысшылары қымбат көлікті айдап әкетіп, жол апатына ұшырады ТҚКС жұмысшылары қымбат көлікті айдап әкетіп, жол апатына ұшырады - Sputnik Қазақстан](https://sputnik.kz/img/551/49/5514974_24:0:949:581_600x0_80_0_0_2eb1d3d47846383d5511c6ffaf771846.jpg)
Көлік апаты салдарынан бірнеше адам зардап шекті. ВАЗ көлігінде отырған екі адам әртүрлі жарақатпен ауруханаға жатқызылды. ГАЗель" жүргізушісі басын соғып, қолын жарақаттап алған – жедел жәрдем көмек көрсеткен соң, ол ауруханаға жатудан бас тартты.
Оқиға орнында жол полициясы қызметкерлері жұмыс істеп жатыр.