АСТАНА, 18 сәуір – Sputnik. Мемлекет басшысы Нұрсұлтан Назарбаев Қазақстанның Қарулы күштерінде кадрлық ауыс-түйіс жасады. Бұл туралы Ақорданың баспасөз қызметі хабарлады.
"Мемлекет басшысының өкімдерімен:
Қайдар Сәмиғұлұлы Қарақұлов Қазақстан Республикасы Қарулы күштерінің Құрлық әскерлері Десанттық-шабуылдау әскерлерінің қолбасшысы болып тағайындалды, ол "Астана" өңірлік қолбасшылығы әскерлерінің қолбасшысы қызметінен босатылды;
Дулат Темірғалиұлы Адырбеков "Астана" өңірлік қолбасшылығы әскерлерінің қолбасшысы қызметіне;
Асқар Ахметұлы Жоламанов Қазақстан Республикасы Қарулы күштері Құрлық әскерлерінің Зымыран әскерлері мен артиллериясының қолбасшысы қызметіне;
Сәкен Мансұрұлы Бекжанов Қазақстан Республикасының Қарулы күштері Әскери-теңіз күштерінің бас қолбасшысы қызметіне тағайындалды", — деп жазылған хабарламада.
Басқа жұмысқа ауысуларына байланысты Алмаз Дженишевич Джумакеев Қазақстан Республикасы Қарулы күштерінің Құрлық әскерлері Десанттық-шабуылдау әскерлерінің қолбасшысы қызметінен, Лұт Сапуұлы Әлшекенов Қазақстан Республикасы Қарулы күштері Зымыран әскерлері мен артиллериясының қолбасшысы – Құрлық әскерлері бас қолбасшысының оқ атумен зақымдау жөніндегі орынбасары қызметінен, Жандарбек Сәдуұлы Жанзақов Қазақстан Республикасының Қарулы күштері Әскери-теңіз күштерінің бас қолбасшысы қызметінен босатылды.
