АСТАНА, 15 сәуір — Sputnik. Америкадағы Джорджия университетінің зерттеушілері табысы аз ерлі-зайыптылар басқаларына қарағанда некеде анағұрлым бақытты екенін анықтады. Ғалымдардың жұмысы Social Science Research журналында жарияланған, деп жазады РИА Новости.
Мамандардың пайымынша, ортақ табысы жылына 60 мың доллардан аспайтын ерлі-зайыпты бір-біріне жиі қамқорлық танытып, ортақ бюджет жүргізеді екен.
Жұмыс авторлары 24 пен 89 жас аралығындағы 3,5 мыңнан астам адам арасында сауалнама жүргізіп, оларды үш топқа бөлді: бойдақтар, некеде тұрғандар және жас жұбайлар. Зерттеу нәтижесінде жалғызбасты адамдар үйленгендерге қарағанда күйзеліске жиі ұшырайтыны анықталды.
Бір қызығы, отбасылық кірісі аз ерлі-зайыптылар ең бақытты жандар болып шыққан.
