Әлем

Тергеу: өрт сөндірушілердің салғырттығынан "Зимняя вишня" кинозалында 37 адам қаза тапты

© Sputnik / Александр Кряжев / Фотобанкке өтуКемероводағы өрт
Кемероводағы өрт - Sputnik Қазақстан
Жазылу
Yandex newsTelegram
Тергеу анықтағандай, командирдің салғырттығынан өрт сөндірушілер уақыт жоғалтып, адамдарды құтқарып үлгермеген

АСТАНА, 11 сәуір — Sputnik. Ресей Тергеу комитеті Кемерово қаласының өрт сөндіру бөлімінің командирі Сергей Генинге қатысты қызметтегі салғырттығы туралы қылмыстық іс қозғады.

Кемерово тұрғыны Игорь Востриков - Sputnik Қазақстан
Әлем
Бүкіл отбасынан айырылған Кемерово тұрғыны видеоүндеу жариялады

"Гениннің салғырттығы салдарынан өрт кезінде "Зимняя Вишня" сауда және ойын-сауық орталығының 4-қабатындағы №2 кинозалында болған 37 адам қаза тапты. Өрт сөндірушілер адамдарды құтқарып, қауіпсіз жерге шығаруға жететін уақытты жоғалтып алған", — деп мәлімдеді Тергеу комитетінің ресми өкілі Светлана Петренко.

Тергеу мәліметінше, №2 өрт сөндіру-құтқару бөлімшесінің күзет басшысы Сергей Генинге оқиға куәгерлерінің бірі №2 кинозалда адамдар көп, оның ішінде балалар бар екенін айтып, кинозалға апаратын қысқа жолды көрсетіпті.

"Генин ол мәліметті құлағына да ілмей, қолда бар схема жоспармен салыстырмаған. Ол жасақты ғимараттың оңтүстік-шығысындағы баспалдаққа жөнелтеді. 4-қабатқа жеткенде есіктің жабық екенін көріп, таяу жердегі баспалдаққа қайтып келіп, 4-қабатқа қайта көтерілген", — деп мәлімет береді Тергеу комитеті.

Сөйтіп, өрт сөндірушілер адамдарды құтқару кезінде алтындай уақытын жоғалтып алған.  

Қазір Гениннің үйі тінтіліп жатыр, жақын арада полиция оны қамауға алмақ.

Жаңалықтар
0