АСТАНА, 1 сәуір — Sputnik. Алматыда Бекмаханов көшесінде жол апатына ұшыраған жүргізуші оқиға орнынан қашып кетті.
Sputnik Қазақстан агенттігіне оқиға куәгерлері хабарлағандай, Toyota Avensis пен Porsche Cayenne Бекмаханов көшесімен шығыс бағытта келе жатқан. Бұрылыста Porsche Cayenne жүргізушісі неге екені белгісіз рөлге ие бола алмай қалып, бар жылдамдықпен Toyota Avensis көлігінің артына соғылды.
Қатты соққыдан Toyota Avensis бордюрден асып, дуалға бір-ақ соғылған, ал Porsche Cayenne қарсы беттік қозғалыс жолағына шығып кетіпті.
Жол апатынан Toyota Avensis көлігінң жүргізушісі мен жолаушысы зардап шеккен. Олар әр түрлі жарақат алып, ауруханаға жатқызылды. Ал Porsche Cayenne жол апаты орнынан қашып кетті.
