АСТАНА, 26 наурыз — Sputnik. Қазақстандық әжелер қазақша күрес бойынша сайысқа қатысты.
Желіде күресіп жатқан әйелдердің видеосы кең тарала бастаған.
"Жекпе-жек" Атырауда Наурыз мейрамын тойлау кезінде болған екен. Жиналғандар қошемет көрсетіп жатса, әжейлердің бірі екіншісін шалқасынан түсіріп, жеңіске жетті.
Бұған қатысты желі қолданушыларының пікірі қарама-қайшы. Кейбірі әжелердің қылығын сынға алып, "ұят", "масқара" десе, қалғандары қарттардың күшіне тәнті болды.
