АСТАНА, 19 наурыз — Sputnik. Қазгидромет алдағы үш күнге ауа райы болжамын ұсынды, деп хабарлайды Sputnik Қазақстан.
Мереке күндері Қазақстанның басым бөлігінде ауа-райы құбылмалы болады. Жаңбыр және қарлы жаңбыр жауады.
"Мұндай ауа-райы Каспийдің оңтүстігінен және Ресейдің еуропалық бөлігінің орталық аймақтарынан ығысатын циклондар мен атмосфералық фронттарға байланысты болады", — дейді синоптиктер.
Бірақ ауа температурасы жауын-шашынға қарамастан климаттық нормадан асып кетеді. Оңтүстік облыстарда күндіз ауа температурасы 15-20 градусқа дейін, кей жерлерде 25 °С градусқа дейін, республиканың солтүстік бөлігінде плюс 3…13°C дейін көтеріледі.
