Өңірлер

Аягөзде су тасқыны салдарынан 130-дан астам адам баспанасыз қалды

© Photo : пресс-служба ДЧС ВКОШығыс Қазақстан облысы
Шығыс Қазақстан облысы - Sputnik Қазақстан
Жазылу
НовостиTelegram
Қоғамдық ұйым еліміздегі ауқатты тұлғалардың бірімен бірлесіп баспанасыз қалған адамдарға көмектеспек

АСТАНА, 15 наурыз — Sputnik. Қызыл жарты ай қоғамы хабарлағандай, Шығыс Қазақстан облысы Аягөз ауданында су тасқыны салдарынан 32 үй қирап, 100-ден аса үй зардап шекті.

Шығыс Қазақстанда көпірді су алып кетті - Sputnik Қазақстан
Өңірлер
Шығыс Қазақстанда көпірді су алып кетті

"Соңғы деректерге сүйенсек, 159 үй зардап шеккен, оның ішінде 32 үй толығымен қирап қалды, қайта жөндеуге келмейді. 130-дан астам адам баспанасыз қалып, №6 мектеп-интернатқа орналастырылды", — деп хабарлайды ұйым баспасөз қызметі.

Су тасқынынан зардап шеккен Аягөз қаласы тұрғындарына көмек ретінде қаражат салынған арнайы банк карточкалары үлестірілмек. 

"Төтенше жағдайдың ауқымын ескере отырып, көмек карталары механизмі пайдаланылады. Зардап шеккендерге арналған ForteBank карточкалары дайын, оған Болат Өтемұратов қорынан қаражат құйылады", — делінген Қызыл жарты ай қоғамының хабарламасында.

Карточкаларды тарату 16 наурызда басталмақ. Ең бірінші үйлері бұзылып қалған азаматтарға көмек көрсетіледі.

Жаңалықтар
0