АСТАНА, 5 наурыз — Sputnik. "Астана LRT" елордалық көлік компаниясы мектеп автобустарының жүре бастағанын хабарлап, тасымалдау бағасын көпшілікке жария етті.
"Мектеп bus" жобасы 5 наурызда №1 автопаркпен бірге қанатқақты режимде басталды.
Мектеп автобустары қандай қызмет көрсетеді:
- жиналу пунктінен оқушыларды алып кету (тұрғылықты мекенжайына ең жақын жер);
- баланың қасындағы адам оны отырғызып, қауіпсіздік белдігін тағуға көмектеседі;
- балаларды мектепке барынша жақын жерге жеткізіп салып, қайтарда да жинау пунктіне апарып салу;
- AstraBus арқылы автобустың қайда екенін қадағалап отыруға болады.
"Мектеп оқушыларын жаңа әрі жайлы автобустар тасымалдайды, барлық қауіпсіздік талаптарына жауап береді. Iveco Daily 17 жолаушыға, Iveco Crossway 58 жолаушыға есептелген", — деп хабарлайды Астана LRT компаниясы Facebook парақшасында.
Бір баланы мектеп автобусымен тасымалдау айына 5 күндік оқу аптасы 20 мың теңге тұрады және алты күндік оқу аптасы үшін 23 500 теңге тұрады.
