АСТАНА, 3 наурыз — Sputnik. Таразда түрмеде отырған Қырғызстан азаматы аштық жариялап, аузын тігіп тастады.
III топ мүгедегі Қырғыз Республикасының омбудсмен институтына арыз жазған.
"Оған себеп, Э. Тентемишевтің өзі хабарлағандай, 158/4 мекемесі басшылығының ұлтына байланысты кемсітушілік танытуы болып отыр", — делінген хабарламада.
Омбудсмен Кубат Оторбаев Қазақстандағы адам құқығы бойынша уәкіл Асқар Шәкіровтен қырғызстандықтың құқығын қорғауға жәрдем беруді сұрады.
"Иә, бізге мұндай хат келді. Ұлттық превентивті механизм деген институт бар. Жуырда арнайы топ түрмеге барып қайтады. Егер деректер расталатын болса, материал Қазақстанның бас прокуратурасына жіберіледі", — деп мәлімет берді ҚР институты Sputnik Қазақстанға.
Қырғыз Республикасы омбудсменінің сайты берген мәлімет бойынша, Қырғызстанның бас прокуратурасы мен сыртқы істер министрлігіне Тентемишевті отанына экстрадициялау мүмкіндігі туралы хат жолданыпты.
