АСТАНА, 1 наурыз – Sputnik. Синоптиктер 3-4 наурызда республиканың төрт облысында жауын-шашын болып, су деңгейі көтерілуі мүмкін екенін ескертті.
"3-4 наурызда Қызылорда, 4 наурызда Оңтүстік Қазақстан, Жамбыл және Алматы облыстарында жауын-шашын (жаңбыр, қар) болады. Осының әсерінен қар еріп, таулы өзендер мен жазық аумақта еріген қар суы жиналуы мүмкін. Су деңгейі көтеріліп, елді мекендерді су басуы ықтимал", — делінген хабарламада.
Естеріңізге салып өтсек, Алматы облысының бес ауданы мен Талдықорған қаласындағы үйлерді бірнеше күннен бері еріген қар суы басып жатыр. Аудан билігі жергілікті ауқымда ТЖ режимін жариялады.
