АСТАНА, 12 ақпан – Sputnik. Синоптиктердің болжамынша, алдағы үш күнде кей жерлерде қар жауып, боран соғады. Ал оңтүстікте көктайғақ болады.
"Қазгидромет" РМК ақпаратынша, алдағы күндері атмосфералық ағымдар Қазақстан аумағын кесіп өтеді. Соның әсерінен кей өңірлерде қар жауады, желдің жылдамдығы 15-20 м/с күшейеді. Республиканың солтүстік жартысында боран соғып, оңтүстік облыстарда көктайғақ болады деп болжануда.
14-15 ақпанда оңтүстік және оңтүстік-шығыстың таулы аймақтарында қалың қар жауады.
