Қоғам

"Балаларым үшін..." Ерлан Біләл сотта соңғы сөзін айтты

© Sputnik / Владимир Федоренко / Медиабанкке өтуСудья балғасы
Судья балғасы - Sputnik Қазақстан
Жазылу
Пара алды деп айыпталған әртіс соттан бас бостандығынан айырмауды және айыппұл көлемін мүмкіндігінше төмендетуді сұрады

АСТАНА, 6 ақпан — Sputnik. Әуезов атындағы қазақ мемлекеттік академиялық драма театрының  бұрынғы директоры Ерлан Біләл сотта соңғы сөзін айтты, деп хабарлайды Sputnik Қазақстан тілшісі. 

Астана қаласының прокуратурасы - Sputnik Қазақстан
Қоғам
Ерлан Біләл сан миллиондаған айыппұл төлеуі мүмкін
Ерлан Біләл ҚР Қылмыстық кодексінің  24-бабы, 3-бөлігі, 366-бабы, 2-бөлігінде (пара алуға оқталу) қарастырылған қылмысты жасады деп айыпталуда. Сотта ол "Сезам" шығармашылық қорының президенті Баяновтан 2018 жылдың 2 қаңтары күні 600 мың теңге алғанын айтты. 4 қаңтар күні 900 мың теңге алып жатқан жерінен ұсталған.  

 Ол соңғы сөзінде қиын жағдайға тап болғанын, кінәсін мойындап, өкінгенін атап өтті. Біләл соттан отбасылық және денсаулық жағдайын назарға ала отырып, бас бостандығынан айырмауды және мемлекеттік айыптаушы сұраған айыппұл көлемін мүмкіндігінше төмендетуді өтінді.  

Сондай-ақ ол соттан атақтары мен марапттарын "тартып алмауды" сұрады.  

"Шығармашылық адамы ретінде құрдымға кетпеуім үшін, одан әрі жылжуға күш табу үшін менің атақтарымды тартып алмауыңызды өтінемін… ", — деді ол.

Ерлан Біләл бұрын ешқашан полицияға түспегенін айта келе, көз жасына ерік берді.   

" Мен кінәлімін, қателестім, өтінемін, егер заң бұған мүмкіндік берсе, балаларым үшін мені қолдап жіберіңіз. Егер маған қолдау көрсетсеңіз, еліміздің игілігі үшін қайтадан еңбек етемін, студенттерге қайта сабақ беремін ", — деді Біләл. 

Пара, жемқорлық - Sputnik Қазақстан
Қоғам
Ерлан Біләл сотта параны қайда жұмсағанын айтты
Мемлекеттік айыптаушы Ерлан Біләлге жаза ретінде параның алпыс еселенген көлемі  — 90 миллион теңге өндіруді сұрады.    

Қорғаушы тарап Қылмыстық кодекстің 65-бабы бойынша (қатты өкінуіне байланысты қылмыстық жауапкершіліктен босату) Біләлді қылмыстық жауапкершіліктен босату немесе прокурор сұраған айыппұл көлемін төмендетуді сұрады. Сондай-ақ оның төрт баласы бар екені, оның екеуі кәмелетке толмағаны аталып өтті.   

 Естеріңізге сала кетсек, 5 қаңтарда М.Əуезов атындағы академиялық қазақ драма театрының директоры театр базасын балаларға арналған мерекелік шараларды өткізуге жалға бергені үшін 1,5 миллион теңге көлемінде пара алмақ болғаны анықталды.

ҚР еңбек сіңірген қайраткері Ерлан Біләл Әуезов атындағы қазақ мемлекеттік академиялық драма театрын 2015 жылдың 27 сәуірінен бері басқарып келген. 


Жаңалықтар
0