АСТАНА, 5 ақпан — Sputnik. Геннадий Головкиннің бапкері Абель Санчес мексикалық Сауль Альварес бұл жолы өз уәдесін орындап, GGG-мен ашық айқасқа шыққанын қалайды, деп хабарлайды Sports.kz.
Бұған дейін "Канело" екінші жекпе-жекте қазақстандықты нокаутқа түсіріп, төрешілерді жұмыссыз қалдыратынын мәлімдеген еді.
"Канело" алғашқы жекпе-жектің алдында айтқанын қайталады. Бірақ ол қашумен болды, тіпті GGG-ді нокаутқа түсіруге тырысқан да жоқ. Енді тағы да батырсынып отыр. Егер Альварес сөзінде тұрып, айтқанын орындаса, екінші жекпе-жек мүлдем басқаша өрбуі мүмкін. Головкинді нокаутқа түсіремін деген адам әрекеттену керек. Әлемнің үздік боксшысына қарсы жекпе-жекте бірдеңеге қол жеткізу үшін "түртіп" қойып, қашып жүру жеткіліксіз", — деп мәлімдеді Санчес The Ring-ке берген сұхбатында.
GGG мен "Канело" реваншы 5 мамырда өтеді.
