АСТАНА, 2 ақпан — Sputnik. АҚШ-та NBA-ның бұрынғы баскетболшысы Расул Батлер жол апатынан қаза тапты, деп хабарлады 24.kz.
Daily Mail басылымының мәліметінше, бұрынғы баскетбол жұлдызымен бірге оның жұбайы да көз жұмған. Жылдамдықты асырған көлік тұрақ есептеуішіне соғылып, кейін ғимарат қабырғасына соқтығысып аударылған.
Полицияның айтуынша, көлікті тізгіндеген адам жылдамдықты екі еседен де асырып жіберген. Соңы адам қазасымен аяқталған жол апатының мән-жайы анықталып жатыр.
Айта кетейік, баскетболшы соңғы рет «Сан-Антонио Спёрс» клубында өнер көрсеткен. Жалпы ол NBA-да 809 матч өткізген екен.
