АСТАНА, 26 қаңтар — Sputnik. Елсияр Қанағатов Қазақстан Республикасы Ұлттық олимпиада комитетінің дирекциясын басқарады, деп хабарлайды ҰОК сайты.
Бұдан бұрын Елсияр Қанағатов ҚР мәдениет және спорт министрлігі дене шынықтыру және спорт комитетінің төрағасы болған еді.
Кореядағы 2018 жылғы Қысқы олимпиада ойындарында Қанағатов Қазақстанның спорт делегациясының миссия шефі міндетін атқармақ.
Қанағатов – ат спорты түрлерінен ҚР еңбек сіңірген бапкері, спорт және туризм қайраткері.
"Парасат" және "Құрмет" ордендерімен марапатталған.
