Жедел басқару орталығының қызметкерлері сағат 10:50 кезінде бейнебақылау камерасынан Жібек Жолы көшесінде автобустың жанып жатқанын көреді. Оқиға орнына өрт сөндірушілер жіберіліп, тілсіз жау ауыздықталды, деп хабарлады ОҚО ішкі істер департаменті.
Белгілі болғандай, 2014 жылы шығарылған Shaolin жолаушылар автобусы 22 бағдар бойынша келе жатқан. Өрт шыққан кезде көліктің ішінде 2 жолаушы мен жүргізуші болған. Зардап шеккендер жоқ. Өрт орнында полицейлер жұмыс істеп жатыр, оқиғаның мән-жайы анықталады.
