АСТАНА, 16 қаңтар – Sputnik. " ҰК" АҚ-тың "Жасампаз" отандық тауар өндірушілері консорциумымен мемлекеттік қорғаныс тапсырысын орындау туралы ұзақмерзімді келісімін негізсіз тоқтатуына қатысты баспасөз мәслихаты өтті, деп хабарлайды Елорда инфо.
– Оператор мен консорциум арасында жеткізудің ұзақмерзімді келісімшарты жасалып, 2 жыл ішінде айтарлықтай жұмыс атқарылды. Инвестициялық келісім шеңберінде өндірісті кеңейту мен жаңғыртуға қаржы жұмсалды. Алайда "Қазақстан Инжиниринг" ұлттық компаниясы қазіргі таңда түрлі себептерге байланысты консорциуммен біржақты ұзақмерзімді келісімшартты бұзып отыр. Соның салдарынан консорциум құрамындағы 44 кәсіпорын жабылып, 5 мыңнан астам адам жұмыссыз қалғалы тұр, – дейді "Жасампаз" консорциумы мүшелерінің бірі Сәуле Шәуенова.
Енді консорциум құрамындағы компания өкілдері үкіметке отандық тауар өндірушілер мүддесін қорғау жөнінде ресми хат жолдайтындықтарын жеткізді.
