АСТАНА, 8 қаңтар — Sputnik. Талдықорғандағы "Қарағаш" сауда үйінде өрт шықты, деп хабарлайды Sputnik Қазақстан тілшісі.
Өрттің видеосы әлеуметтік желілерде жарияланды.
"ТЖД кезекші бөліміне ақпарат 12.55-те түсті. Оқиға орнында өрт сөндірушілер жұмыс істеп жатыр. Сауда үйінен адамдарды эвакуациялау жалғасуда", — деп хабарлады Алматы облысы ТЖД ресми өкілі Азамат Жұртбаев.
Әлеуметтік желілерде қала тұрғындары "Қарағаш" сауда үйінде соңғы бірнеше жылдың ішінде осымен үшінші рет өрт шыққанын айтып жатыр.
