АСТАНА, 8 қаңтар — Sputnik. Қазақстандық қыздар "Мен қазақ қызымын" жобасына қатысып, "Закова" түнгі клубында болған жайттан кейін "қыздардың тәртібі туралы" сөз қозғаған жігіттерге жауап берді.
"Қыздар шын өмірде қандай екендерін өздері айтып берді. Қазіргі қазақ қыздары тұрақтағы жігіттер айтқандай емес. Бұл видео қазақстандық қыз бейнесін әр қырынан көрсетеді", — дейді ролик авторы тілші Дана Круглова.
Сонымен бірге, ол ниет білдірушілерден өздері жайында видео түсіріп, әлеуметтік желіде #yakazakhstanskayadevushka және #yakazakhskayadevushka хэштегтерімен жариялауды сұрады.
Естеріңізге сала кетейік, 2017 жылдың 17 желтоқсанында Байзақова түнгі клубта қыздар арасында тыр жалаңаш шешінуден сайыс өткізіп, қоғамдық тәртіпті бұзған болатын. Осы қылығы үшін Instagram жұлдызы үш тәулік қамауда отырып шықты.
Сайыс шарты бойынша тыр жалаңаш шешінген қызға 50 мың теңге сыйақы берілген. Әлеуметтік желіде пайда болған видеода жалаңаш қыз бір қырынан көрінеді, ал жүргізуші конкурс шартын түсіндіріп, өзгелерді қатысуға шақырып жатыр.
Келесі күні "Нұр-Мұқасан" дуэтінің әншісі Мұқасан Шахзадаевтың парақшасында оннан астам жігіттің қыздардың тәртібін сынға алғаны түсірілген видео жарияланды.
