АСТАНА, 31 желтоқсан – Sputnik. Жаңаөзенде жолдың ортасында би билеген Аяз атаға полицейлер айыппұл салды, деп жазады lada.kz.
Бұған дейін хабарланғандай, Аяз ата болып киінген ер адам жолдың ортасында би билеп, жұрттың көңілін көтерген.
Полиция хабарлағандай, тәртіп бұзған Аяз ата Жаңаөзен қаласының 45 жастағы тұрғыны болып шықты. Оған қатысты әкімшілік хаттама толтырылды. Ер адам кінәсін толық мойындады. Әкімшілік құқықбұзушылықтар кодексін бұзған "Аяз атаға" бес айлық есептік көрсеткіш мөлшерінде (11 мың 345 теңге) айыппұл салынды.
