АСТАНА, 29 желтоқсан — Sputnik. Нью-Йоркте Бронкс ауданындағы бес қабатты үйде ірі өрт болып, салдарынан 12 адам қаза тапты, деп хабарлайды РИА Новости.
Өрт 25 пәтер бар бес қабатты үйде кешкі жеті кезінде басталыпты, Өрт сөндірушілер оқиға орнына үш минутта жеткен. 150-ден астам адам өрт сөндіруге қатысты.
Қазір 12 адамның қаза болғаны белгілі, араларында бір жасқа толмаған бала бар. Билік өкілдері құрбандар санының артуы мүмкін екенін жоққа шығармайды – төрт адам әл үстінде жатыр.
