АСТАНА, 27 желтоқсан — Sputnik. Алматы қаласы Алмалы ауданы ішкі істер басқармасы қызметкерлері көліктерді тонаумен айналысқан Қырғызстан азаматын ұстады, деп хабарлайды қаланың ішкі істер департаменті баспасөз қызметі.
Тергеу барысында анықталғандай, бұдан бұрын сотталған, 25 жастағы қырғызстандық Алматыға ақша табу үшін келген. Әуелі әртүрлі жұмыстарды істеп жүріп, кейін қылмыс жолына қайта түседі: көліктердің әйнегін шағып, видеорегистраторлар мен көлік иелерінің жеке заттарын тонап отырған.
Полиция мәліметінше, Алмалы ауданы бойынша осындай бес жайт тіркеліпті. Ұсталған азаматқа қатысты қылмыстық іс қозғалды.
Көлік тонады деген күдікпен ұсталған азамат
© Photo : Алматы ІІД
