АСТАНА, 27 желтоқсан — Sputnik. Астанада ескі алаңда медиа-шырша орнатылған, ол түнде селфи-құттықтауларды көрсететін болады, деп хабарлады Сарыарқа ауданының әкімі Арман Тұрлыбек әлеуметтік желіде.
"Медиа-селфи-шырша ашылды, соның арқасында әлемнің кез келген түпкіріндегі кез келген адам бәрімізді Жаңа жылмен құттықтап, жақындары мен туыстарына тілегін жеткізе алады. Енді бұл шынымен ғажайып мерекеге айналмақ", — делінген әкім хабарламасында.
Құттықтау шыршада көрсетілуі үшін арнайы сайтта бірнеше қадам орындау керек. Суреттер мен құттықтауларды жүктегенде қолданушыларға "жағымсыз дүниелерді" жолдамауға өтініш айтылды, себебі жүктелгеннің бәрі баршаға аян болады.
