АСТАНА, 27 желтоқсан — Sputnik. Қазақстанның басым бөлігінде атмосфералық фронттардың өтуіне байланысты ауа райы құбылмалы болмақ, қар жаууы ықтимал, деп хабарлайды "Қазгидромет" баспасөз қызметі.
Оңтүстік Қазақстан, Шығыс Қазақстан облыстарында желдің екпіні — 15-20 м/с, кей жерлерде 23-28, бұрқасын — 30 м/с асады, кей аудандарда боран соғып, тұман түседі, көктайғақ болады.
Жамбыл облысында кей жерлерде тұман, көктайғақ болып, желдің екпіні — 15-20, бұрқасын — 23-28, облыстың оңтүстік-батысында — 30 м/с асады.
Қызылорда облысында желдің екпіні — 15-20, кей жерлерде 23-28 м/с, кейбір аудандарда — тұман, көктайғақ.
Павлодар облысында желдің екпіні — 15-20 м/с, кей жерлерде боран соғып, тұман тұседі, көктайғақ болады.
Ақмола облысында – боран соғып, тұман түседі, көктайғақ болады, түнде кей жерлерде, күндіз өңірдің басым бөлігінде жел күшейеді — 15-20 м/с.
Маңғыстау облысында, түнде Батыс Қазақстан облысында кей жерлерде боран соғады, көктайғақ болады, желдің екпіні — 15-22, бұрқасын — 25 м/с.
Алматы облысында тұман түсіп, көктайғақ болады, желдің екпіні — 18-23 м/с.
Ақтөбе, Атырау, Қарағанды, Қостанай, Солтүстік Қазақстан облыстарында – боран, көктайғақ, тұман, желдің екпіні — 15-20 м/с.
