АСТАНА, 25 желтоқсан — Sputnik. Атырауда Геннадий Головкинге ұқсайтын адам табылды. Қазақстандық кәсіпқой боксшының "сыңары" туралы видео Youtube әлеуметтік желісінде жарияланды.
Видеоға "Геннадий Головкиннің "сыңары" Атырауда" деп жазылған.
Айта кетейік, Геннадий Головкиннің Максим атты сыңары бар. Олар 1982 жылы 8 сәуірде Қарағанды қаласында дүниеге келген. Геннадий және Максим Головкиндер боксқа бірге барған.
Әуесқой бокста Геннадий 350 жекпе-жек өткізіп, оның тек бесеуінде ғана жеңілген. Ал кәсіпқой рингте бірде-бір рет жеңілмеген, тек осы жылдың 16 қыркүйегінде мексикалық Сауль Альвареспен тең түсті. 38 жекпе-жек өткізіп, оның 33-ін нокаутпен аяқтады.
Максим спортпен ерте қоштасты, қазір Геннадийдің жаттығуына көмектесіп жүр.
