АСТАНА, 24 желтоқсан — Sputnik. Қарағанды-Теміртау тас жолында көктайғақ салдарынан жеті көлік соқтығысты, деп хабарлайды Sputnik Қазақстан.
"Жеті көлік қатты зардап шеккен жоқ. Қазіргі уақытта жол апаты болған жерде полиция қызметкерлері жұмыс істеп жатыр. Апаттың мән-жайы анықталуда", — деп хабарлады Sputnik Қазақстан тілшісіне облыстық ішкі істер департаментінің баспасөз хатшысы Бақытжан Құдияров.
Қаза тапқандар мен зардап шеккендер жоқ.
Instagram желісінде жол апатының видеосы пайда болды, видеодан автобус, жүк көлігі, ГАЗель мен бірнеше жеңіл көліктің соқтығысқанын көруге болады.
Ауа райының бұзылуына байланысты полицейлер жүргізушілерден сақтық танытып, жылдамдықты асырмауды сұрайды.
