АСТАНА, 19 желтоқсан — Sputnik. Алматыда тоғыз қабатты үйдегі пентхаустан өрт шықты, ақпаратты Алматы ТЖД ресми өкілі Сандуғаш Баймұхамбетова растады.
"Триумф" тұрғын үй кешенінің шатырынан өрт шыққаны туралы хабар 11:46 кезінде түскен.
"Алғашқы өрт сөндіру жасағы оқиға орнына жеті минутта барды. Өрт шыққан жерге келгенде, жағдай былай болған: тоғыз қабатты үйдің шатыры қалың түтіннен көрінбей кетіпті", — деп мәлімет берді ТЖД өкілі.
Өрт сөндіру барысында, елу адам қауіпсіз жерге шығарылды, олардың арасында үш бала бар. Кейінірек анықталғандай, пентхаустың шатыры өртеніпті. Өрт 12:21 кезінде ауыздықталып, 12:44 кезінде толығымен сөндірілді. Аумағы қырық шаршы метр.
Қаза тапқандар мен зардап шеккендер жоқ.
