Алматы аудандарының бірінде өндірістік цех өртенді

АСТАНА, 10 желтоқсан – Sputnik. Алматыда өндірістік цехтардың бірінен өрт шықты, деп хабарлады Алматы ТЖД ресми өкілі Сандуғаш Баймұхамбетова.

Желіде куәгерлер түсірген өрттің видеосы жарияланды, онда қою түтін шығып жатқаны көрінеді.  

Әуезов ауданы, Пятницкий көшесі, 102 "А" мекенжайы бойынша ғимарат өртеніп жатқаны туралы хабарлама қалалық ТЖД "101" пультіне бүгін сағат 11.56-да түскен. 

Қаланың ТЖД хабарлағандай, алғашқы өрт сөндіру көлігі 12.00-де келген. Өрт 12.34-те ауыздықталды. Алдын ала мәлімет бойынша қызыл жалын 250-300 шаршы метр аумаққа шарпыған.