АСТАНА, 8 желтоқсан — Sputnik. Жамбыл облысында сараптама жүргізген мамандар малдың химиялық шайынды судан өлмегенін анықтап, кесел қалдық суы жиналған көлшіктен келді деген қорытынды шығарған, деп хабарлайды КТК.
Бірақ жылқы мен қойдың арам қатуына өндіріс орны кінәлі емес делінгенімен, сол зауыт басшылығы өлген малдың шығынын шетінен өтеп жатыр. Қамбар ата тұқымының әр басына 300 мың теңгеден берілуде.
Еске салсақ, қыркүйек айында Қаратау қаласының іргесіндегі қалдық су жиналатын көлден су ішкен 12 бас жылқы сол жерде сеспей қатқан еді.Бұл маңда бұған дейін де 4 бас жылқы мен 12 қой өлген болатын. Тұрғындар төрт түліктің жаппай қырылуына химиялық шайындыны төгетін Натрий-Цианит зауытын айыптаған. Бірақ өндіріс орнының басшылығы өздеріне шаң жуытпаған болатын.
Айта кетейік, қазір осы оқиғадан соң көлшіктің аумағы мал өтпестей қоршалған.
