АСТАНА, 7 желтоқсан — Sputnik. "Қазгидрометтің" мәліметінше, 7-9 желтоқсан аралығында температура көтеріліп, ауа райы жауын-шашынды болады.
"Қазақстанның ауа-райына ықпал етіп жатқан Сібір антициклоны бірте-бірте Алтайға қарай жылжып барады, бұл республикада температураның жоғарылауына алып келеді. Жоғары атмосфералық қысым өрісінің орнына Ресейдің еуропалық бөлігінен барикалық жылғалар және онымен байланысты атмосфералық фронттар жылжып келе жатыр", — деп жазылған хабарламада.
Бұл фронттардың әсерінен әуелі республиканың батысында, ал 9 желтоқсанда оңтүстік, оңтүстік-шығыс, орталық және солтүстік-батыс облыстардың кей жерлерінде сулы қар жауып, тұман түседі және көктайғақ болады.
