АСТАНА, 5 желтоқсан — Sputnik. Астанада автокөлік қозғалысын реттеп тұрған инспекторды көлік қағып кетті, деп хабарлады Sputnik Қазақстанға елордалық ішкі істер департаментінің баспасөз қызметі.
Жол апаты бүгін таңертең сағат 8.30 шамасында Мәңгілік ел даңғылы мен Бұқар жырау көшесінің қиылысында болды.
" Lexus жүргізушісі көктайғақ салдарынан рөлді игере алмай, автокөлік қозғалысын реттеп тұрған инспекторды қағып кетті", — деп хабарлады полициядағылар.
Жол апаты салдарынан полицей дене жарақатын алған, ол ауруханаға жеткізілді. Оқиғаның мән-жайы анықталып жатыр.
