АСТАНА, 4 желтоқсан — Sputnik. Йеменнің экс-президенті Әли Абдалла Салех көтерілісші хуситтердің қолынан қаза тапты, деп жазды РИА Новости жергілікті БАҚ-қа сілтеме жасап.
Салехтің өлтірілгені туралы ақпаратты Al-Masirah телеарнасына көтерілісші хуситтердің бақылауындағы ІІМ хабарлаған.
Салех басқарған "Жалпыға ортақ халық конгресі" партиясының шенеунігі бұрынғы мемлекет басшысының қаза болғанын растады, деп ақпарат таратты Al-Arabiya телеарнасы.
Сонымен қатар желіде қарулы адамдар экс-президенттің денесін көлікке салып жатқаны түсірілген видео тарады.
Кадрда қарулы адамдар Әли Абдалла Салехке ұқсас адамның денесін ұрандатып алып бара жатқаны көрінеді. Көрпеге оралған адам басынан жарақаттанған.
