АСТАНА, 1 желтоқсан — Sputnik. Атмосфералық фронттардың өтуіне байланысты еліміздің кей жерлерінде жауын-шашын жауып, тұман, көктайғак болады, 15-20 м/с-ке дейін жел күшейеді, деп хабарлайды Қазгидромет.
Батыс, солтүстік, шығыс және оңтүстік-шығыста ауа райы жауын-шашынсыз болады.
Жамбыл, Оңтүстік Қазақстан, Қызылорда облыстарының кей жерлерінде тұман, көктайғақ болып, жел күшейеді.
Алматы облысының кей жерлерінде тұман түседі. Жалаңашкөл ауданында желдің күші 15-20, екпіні 25 м/с-қа жетеді.
Күндіз Шығыс Қазақстан облысы Жарма ауданында желдің күші 15-20 м/с болады, түнде және таңертең кей жерлерде тұман түседі. Ақмола облысында бұрқасындатып, тұман болады деп болжануда.
Маңғыстау, Атырау, Батыс Қазақстан, Ақтөбе, Қостанай, Солтүстік Қазақстан, Қарағанды, түнде Павлодар облыстарының кей жерлерінде тұман түседі.
