АСТАНА, 28 қараша — Sputnik. Қазақстандық боксшы Мейірім Нұрсұлтанов BoxRec бойынша Топ-100 үздік боксшылар қатарына қосылды.
Орташа салмақта рингке шығып жүрген спортшы бұл рейтингте 102-орында болатын, алайда Нью-Йорктегі Madison Square Garden шаршы алаңындағы сәтті жекпе-жегінен соң 92-орынға көтерілген.
Жуырда Нұрсұлтанов америкалық Эрик Мунды техникалық нокаутпен екінші раундта жеңіп, кәсіби рингте бесінші рет жеңімпаз атанды.
BoxRec рейтингінің көшбасшыларының бірі, қазақстандық боксшы – Геннадий Головкин. Ол тізімде екінші орынды иеленді. Төрт чемпиондық белдігі болса да, GGG Cауль Альварестан төмен тұр.
