АСТАНА, 28 қараша — Sputnik. Астана қаласы Алматы ауданы аулаларының бірінде ер адам тұрақта тұрған бірнеше көлікті бүлдірді, деп хабарлайды ішкі істер департаменті баспасөз қызметі.
Көліктердің иелері полицияға шағым түсірген соң 28 қараша күні таңғы үш кезінде Оңтүстік Қазақстан облысының 27 жастағы тұрғыны ұсталды.
Ұсталған азаматтың айтуынша, достарының үйінде ішімдік ішіп, аулаға шыққан соң тұрақта тұрған көліктерді бүлдірген.
Қазіргі уақытта Ғабдуллин көшесінің ауласында тұрған сегіз көліктің бүлінгені белгілі. Көліктердің әйнегі шағылып, әр жері майысып қалған.
Аталған іс бойынша сотқа дейінгі тергеу амалдары атқарылуда.
