АСТАНА, 27 қараша — Sputnik. Қытайдың Шэньчжэнь қаласындағы инженерлік колледждің 19 жастағы студенті өзінің нәрестесін бесінші қабаттың терезесінен лақтырып жіберген. Көрпеге оралған баланы жатақхананың күзетшісі тауып алған, деп хабарлайды life.ru Daily Mail-ге сілтеме жасап.
Күзетші дереу полиция мен жас босанған қызға жедел жәрдем шақыртқан.
Колледж оқытушылары журналистерге студент бірде-бір рет сабақтан қалмағанын, медициналық көмекке жүгінбегенін айтқан. Қыз толық болғандықтан жүкті екенін ешкім білмеген, оның үстіне ішін жасырып жүріпті.
Қазір 19 жастағы студент ауруханада жатыр. Полиция бала өлі туған-тумағанын анықтап жатыр. Егер баланы қасақана өлтірген болса, қыз қылмыстық жауапкершілікке тартылады.
