АСТАНА, 27 қараша – Sputnik. Қазгидромет алдағы үш күнге ауа райы болжамын ұсынды, деп хабарлайды Sputnik Қазақстан.
"Қазақстанда қараша айының соңына дейін жылы ауа райы сақталды, ауа температурасы климаттық нормадан 5….10 градусқа жоғары болды. Бірақ осы демалыс күндері солтүстік және шығыс облыстарда қыстың жақындап келе жатқаны сезілді", — дейді синоптиктер.
Алдағы үш күнде жоғары циклонның әсерінен республикамыздың барлық облыстарында қар жауады деп болжанып отыр.
Оңтүстік облыстарда жабысқақ қар жауып, тұман және көктайғақ болады. Ауа температурасы нормаға сәйкес және нормадан 1…3 градусқа төмен болады.
"Тек солтүстікте ғана емес, оңтүстік облыстарда да осындай ауа райы күтіледі", — деп хабарлайды Қазгидромет.
