АСТАНА, 25 қараша — Sputnik. Оксфорд-серкус станциясында атылған оқтың үні естілгендей болып, "қара жұмаға" жиналған жұрттың бойын үрей биледі. Салдарынан он бес адамнан астам зардап шекті, деп хабарлады РИА Новости Лондонның жедел жәрдем қызметіне сілтеме жасап.
Оқиға жұма күні қарбалас уақыттта, рождество алдындағы жеңілдіктер кезінде болған. Атыс туралы хабар полицияға 16.37 (21.37 аст) кезінде жетіп, оқиға орнына Британиялық көліктік полиция мен Скотланд-Ярд қызметкерлері келіп жеткен. Бірақ олар станцияда атыс болғаны туралы мәліметті растаған жоқ.
"Біз Oxford Circus ауданынан кетіп бара жатып, жарақат алған науқастарға жәрдем бердік. Жеті пациентті оқиға орнында қарап, сегізін Лондонның орталық ауруханаларына жеткіздік. Тағы бір науқас аяқ жарақатын алып травматологиялық орталыққа жеткізілді", — деп хабарлады жедел жәрдем қызметі Twitter желісінде.
Ұлыбританияның көліктегі полициясы метро платформасында екі адам арасында төбелес шыққанын хабарлаған. Бұл дерек бейнебақылау камераларына түсіп қалыпты.
