АСТАНА, 22 қараша — Sputnik. Жүрегіне операция жасалған мәжіліс төрағасы Нұрлан Нығматулин денсаулығы жақсы екенін айтты, деп хабарлайды Sputnik Қазақстан тілшісі.
Нығматулин бір айдай төменгі палатаның отырыстарына қатысқан жоқ. 16 қараша мәжілістің баспасөз қызметі депутаттың жүрегіне ота жасалғанын хабарлады.
"Бәрі жақсы, үлкен рахмет. Бәріңізге денсаулық тілеймін", — деді Нығматулин отырыстан кейін денсаулығын сұраған журналистерге.
БАҚ өкілдері төрағадан "жұмысты сағындыңыз ба?" деп сұрады.
"Әрине, көрінбей тұр ма?", — деп күлді ол.
